Shughuli za usafirishaji wa abiria kupitia usafiri wa pikipiki na bajaji mkoani Katavi zimekumbwa na changamoto kutokana na ukosefu wa mafuta ya petrol na dizeli kwenye vituo vya kuuzia mafuta, jambo ambalo limeathiri madereva wa vyombo hivyo na familia zao.
Madereva wamezungumza hayo jana Jumapili, Julai 30, 2023, na wameeleza kuwa kwa zaidi ya siku nne sasa wamekabiliwa na tatizo hilo. Kupata mafuta imekuwa changamoto, na wanapewa mgawo mdogo wa lita moja moja ya mafuta kutokana na uhaba huo.
Wameomba Serikali itatue suala hili kama dharura na waeleze kuwa ukosefu wa mafuta umesababisha bei za usafiri kupanda, ambapo abiria sasa wanalipa Sh3000 badala ya Sh1000 kwa safari ya bajaji au pikipiki. Hali hii imeleta shida kwa familia zao na kufanya kazi yao kuwa ngumu.
Mkurugenzi wa kampuni ya Madema Ernest Madema, ambaye pia ni mmiliki wa kituo cha kuuzia mafuta cha Mwanone, amekiri hali hiyo na kueleza kuwa amelazimika kuomba mafuta kutoka bohari za Serikali ili kukabiliana na changamoto hii.
Hali hii imeathiri pia huduma za usafiri na bei za usafiri zimepanda kutoka Sh1000 hadi Sh3000 kwa bajaji na pikipiki, na abiria nao wameathirika kutokana na hali hiyo.
#KonceptTvUpdates
