Waziri Mkuu wa Tanzania, Kassim Majaliwa, jana ametoa mwaliko kwa wawekezaji mahiri katika sekta ya mbolea kuja kuanzisha viwanda vya mbolea nchini. Alitoa wito huu wakati wa mjadala wa jopo la “Kuimarisha Soko la Mbolea kama Njia ya Kutokomeza Njaa Barani Afrika,” uliofanyika katika kituo cha mikusanyiko cha Jukwaa la Maonyesho huko St. Petersburg, Urusi.
Katika muktadha wa uamuzi wa Rais Dk.Samia Suluhu Hassan wa kuongeza bajeti ya kilimo, Waziri Mkuu analenga kuiweka Tanzania kuwa kitovu kikuu cha uzalishaji wa chakula, ikihudumia Afrika Mashariki, SADC, na Bara zima la Afrika.
“Bado tunakabiliwa na changamoto ya upatikanaji wa mbolea ya kutosha, ambayo inaathiri moja kwa moja uzalishaji wa chakula. Mbolea kwa sasa ndio msingi wa uzalishaji wa chakula chetu, na zaidi ya 80% ya uzalishaji wetu unategemea, kwa sababu hiyo, tunatumia kiasi kikubwa cha fedha kuagiza mbolea kutoka nje. kinacholenga sasa ni kuzalisha chetu,” alisema Majaliwa.
Alisisitiza kuwa Tanzania ina rasilimali ya gesi asilia ambayo inaweza kutumika kutengeneza mbolea zaidi ya ile ya asili ya wanyama.
“Kwa kuongeza uzalishaji wa mbolea, tutapata fursa ya kuzalisha chakula zaidi. Jukwaa hili linatoa fursa ya kipekee ya kuwaalika wawekezaji waliobobea katika nyanja hizi,” aliongeza.
Waziri Mkuu pia alishiriki mapema katika Jukwaa la Kimataifa la Uchumi na Kibinadamu, ambalo lilizinduliwa na Rais wa Urusi Vladimir Putin katika Jukwaa la Maonyesho huko St. Kongamano hili lilihudhuriwa na Wakuu wa Nchi na Serikali wa Umoja wa Afrika, wakiwemo wale kutoka Uganda, Msumbiji, Zimbabwe, na Sudan, pamoja na Mawaziri, Viongozi wa Mashirika ya Kikanda, na Mashirika ya Serikali kutoka Urusi na Afrika.
Mada kuu za kongamano hilo, ambalo linajumuisha zaidi ya mikutano 30 ya kando, inashughulikia mada anuwai kama vile maswala ya vijana, kilimo, afya, elimu, na maswala ya kibinadamu.
Leo, Waziri Mkuu anatarajiwa kushiriki Mkutano wa Pili wa Wakuu wa Nchi na Serikali wa Afrika na Urusi, akimuwakilisha Rais Dk.Samia Suluhu Hassan. Mkutano huo unalenga kutoa fursa kwa Tanzania na mataifa mengine ya Afrika kushirikiana na Urusi katika kukuza uchumi, kutafuta ushirikiano wa kibiashara, na kutatua changamoto za kimaendeleo zinazohusiana na Uchumi Mpya wa Kimataifa, Usalama Jumuishi, Sayansi na Teknolojia, na Masuala ya Kibinadamu.
#habarileo
#KonceptTvUpdates
