Mshambulizi wa zamani wa Liverpool Sadio Mane ameondoka Bayern Munich na kujiunga na Cristiano Ronaldo katika klabu ya Al-Nassr inayoshiriki Ligi ya Saudi Pro League ya Saudi Arabia.
Mchezaji huyo mwenye umri wa miaka 31 alifunga mabao 12 katika mechi 38 alizoichezea Bayern katika msimu ambao haukuwa na matokeo licha ya awali kuonyesha kiwango kizuri.
Mchezaji huyo wa Senegal pia alihusika katika ugomvi wa kimwili na Leroy Sane katika chumba cha kubadilishia nguo cha Manchester City baada ya kupoteza mchezo wa Ligi ya Mabingwa.
Ripoti zinaonyesha kuwa mabingwa hao wa Ujerumani wamerudisha zaidi ya pauni milioni 35 walizolipa Liverpool kwa Mane mwaka mmoja uliopita.
Mkurugenzi Mtendaji wa Bayern, Jan-Christian Dreesen alisema mchezaji huyo wa zamani wa Southampton – ambaye amesaini mkataba wa miaka minne na Al-Nassr – hakuwa na “mwaka rahisi” tangu kuhama kutoka Anfield.
“Hakuwa na uwezo wa kuchangia kama sisi sote na yeye mwenyewe alitarajia,” alisema Dreesen.
#KonceptTvUpdates
