Bahari yetu ina aina mbalimbali za spishi zinazovutia ambazo zinakabiliwa na sumu ya plastiki. Karibu fukwe nyingi sana hata hapa kwetu Tanzania kuna plastiki nyingi ambazo zinazagaa ama kutupwa baharini kitu ambacho ni hatari kwa uhai wa viumba wa Bahari.
Kulingana na Umoja wa Mataifa, takribani viumbe 800 duniani kote huathiriwa na uchafu wa baharini, na asilimia 80 hivi ya takataka hizo ni za plastiki. Inakadiriwa kuwa hadi tani milioni 13 za plastiki huishia baharini kila mwaka sawa na lori la taka kwa kila dakika.
Samaki, ndege wa baharini, kasa wa baharini, na mamalia wa baharini wanaweza kunaswa au kumeza uchafu wa plastiki, na kusababisha kukosa hewa, njaa, na kuzama. Wanadamu hawana kinga dhidi ya tishio hili, Ingawa plastiki inakadiriwa kuchukua hadi mamia ya miaka kuoza kikamilifu, baadhi yao hugawanyika haraka sana na kuwa chembe ndogo, ambazo hatimaye huishia kwenye viumbe wa bahari tunaokula.
Utafiti unaonyesha kuwa nusu ya kasa wa baharini kote ulimwenguni wamekula plastiki. Wengine hufa njaa baada ya kufanya hivyo kwa makosa wakiamini wamekula vya kutosha kwa sababu matumbo yao yamejaa.
Katika fuo nyingi, uchafuzi wa plastiki umeenea sana hivi kwamba unaathiri viwango vya kuzaliana kwa kasa kwa kubadilisha halijoto ya mchanga ambapo utagaji hutokea.
Taka za plastiki huua hadi ndege wa baharini milioni moja kwa mwaka. Kama ilivyo kwa kasa wa baharini, ndege wa baharini wanapomeza plastiki, huchukua nafasi ndani ya matumbo yao, na wakati mwingine husababisha njaa. Ndege wengi wa baharini hupatikana wakiwa wamekufa huku matumbo yao yakiwa yamejaa uchafu wa plastiki.
Kuanzia ndege wa baharini, nyangumi na pomboo, farasi wadogo wa baharini wanaoishi kwenye miamba ya matumbawe na samaki wengi wanaoishi kwenye miamba hiyo hiyo na mikoko iliyo karibu.
Taka za plastiki zinaweza kuhimiza ukuaji wa vimelea vya magonjwa katika bahari. Kulingana na uchunguzi wa hivi majuzi, wanasayansi walihitimisha kwamba matumbawe ambayo yanagusana na plastiki yana nafasi ya asilimia 89 ya kuambukizwa magonjwa, ikilinganishwa na uwezekano wa asilimia 4 kwa matumbawe ambayo hayana.
Endapo hatua hazitachukuliwa hivi karibuni kushughulikia tatizo hili la dharura, wanasayansi wanatabiri kwamba uzito wa plastiki baharini utazidi uzito wa pamoja wa samaki wote baharini ifikapo 2050.
#MakalaKonceptTVUpdates
